13-03-2025 11:26:28 PM
మందమర్రి,(విజయక్రాంతి): మండలంలోని వెంకటాపూర్ గ్రామపంచాయతీ పరిధిలోని గుడిపల్లి గ్రామ ప్రభుత్వ ప్రాథమిక పాఠశాలను జిల్లా విద్యాశాఖ అధికారి పీ.యాదయ్య ఆకస్మిక తనిఖీ చేశారు. గురువారం పాఠశాలను సందర్శించి రికార్డులు పరిశీలించారు. అనంతరం పాఠశాలలో మౌలిక వసతులను పరిశీలించి విద్యార్థుల అభ్యసన సామర్థ్యాన్ని పరీక్షించారు. ఈ సందర్భంగా ఆయన మాట్లాడుతూ పాఠశాలలో విద్యార్థుల సంఖ్యను పెంపొందించడంతో పాటు విద్యార్థులకు నాణ్యమైన మధ్యాహ్న భోజనం అందజేయాలన్నారు. అంతేకాకుండా విద్యార్థుల్లో అభ్యసన సామర్ధ్యాన్ని పెంపొందిం చేందుకు ప్రత్యేక చర్యలు తీసుకోవాలని సూచించారు. ఈ కార్యక్రమంలో పాఠశాల ప్రధానోపాధ్యాయురాలు విద్యాదేవి ఉపాద్యాయులు విద్యార్థులు పాల్గొన్నారు.