హైదరాబాద్,(విజయక్రాంతి): నగరంలో మూడ్రోజులుగా తెలుగు చిత్రపరిశ్రమలోని ప్రముఖులపై జరుగుతున్న ఐటీ సోదాలపై దర్శకుడు అనిల్ రావిపూడి(Director Anil Ravipudi) గురువారం స్పందించారు. సంక్రాంతికి వస్తున్నాం సక్సెస్ మీట్(Sankranthiki Vasthunam Success Meet)లో పాల్గొన్న అనిల్ రావిపూడి ఐటీ సోదాల గురుంచి మాట్లాడారు. టీజీఎఫ్‌డీసీ చైర్మన్ దిల్ రాజు(TGFDC Chairman Dil Raju) నివాసంలో తనిఖీలు జరగుతుండే మీరు సక్సెస్ మీట్ చేసుకుంటున్నారని ఓ జర్నలిస్ట్ ప్రశ్నించారు. విక్టరీ వెంకటేష్ సినిమాకి సంక్రాంతి వస్తున్నామని టైటిల్‌ పెట్టాం కదా.. వాళ్లు కూడా మేమూ సంక్రాంతికి వస్తున్నామని వచ్చారని చమత్కరించారు. సినీ పరిశ్రమలో దిల్ రాజుపైను కాదు.. చాలా మందిపై ఐటీ దాడులు జరుగున్నాయని చెప్పారు. ప్రతి రెండేళ్లకోసారి ఐటీ సోదాలు జరగడం సర్వసాధారణమన్నారు. ప్రస్తుతానికి తాను సుకుమార్ ఇంటి పక్కన లేనని, ఫిబ్రవరిలో వెళ్తున్నానని వెల్లడించారు. ఇప్పటికైతే అనిల్ రావిపూడిపై ఐడీ దాడులు జరగలేదని స్పష్టం చేశారు. వరుసగా మూడో రోజు టాలీవుడ్‌(Tollywood)లోని ప్రముఖ చిత్రనిర్మాతల ఇళ్లపై ఆదాయపు పన్ను శాఖ(Income Tax Department) దాడులు కొనసాగించింది.

మంగళవారం ప్రారంభమైన సోదాలు ప్రముఖ నిర్మాత, తెలంగాణ ఫిల్మ్ ఫెడరేషన్ డెవలప్‌మెంట్ కార్పొరేషన్ (TGFDC) చైర్మన్, దిల్ రాజు ఇళ్లపై కొనసాగాయి. జూబ్లీహిల్స్‌లోని ఉజాస్ విల్లాస్‌లోని దిల్ రాజు నివాసం, ఆయన కార్యాలయం, ఆయన బంధువుల ఇళ్లపై కూడా ఈ సోదాలు కొనసాగాయి. ప్రముఖ నిర్మాణ సంస్థలు మైత్రి మూవీ మేకర్స్, మ్యాంగో మీడియాపై కూడా దాడులు కొనసాగుతున్నాయి. సోదాల గురించి ఆ శాఖ ఇంకా ప్రకటన విడుదల చేయలేదు కానీ ఇటీవలి కొన్ని సినిమాలు సంపాదించిన ఆదాయాలకు, చెల్లించిన ఆదాయపు పన్నుకు మధ్య అసమతుల్యతను గుర్తించిందని వార్తలొస్తున్నాయి. ‘పుష్ప 2: ది రూల్’, ‘గేమ్ ఛేంజర్’ ‘సంక్రాంతికి వస్తున్నాం’(Sankranthiki Vasthunam) చిత్రాలకు సంబంధించిన సోదాలు ఇటీవల విడుదలయ్యాయి. ‘గేమ్ ఛేంజర్’, ‘సంక్రాంతికి వస్తున్నాం’ చిత్రాలను శ్రీ వెంకటేశ్వర క్రియేషన్స్ బ్యానర్‌పై దిల్ రాజు నిర్మించారు. రామ్ చరణ్, కియారా అద్వానీ నటించిన ‘గేమ్ ఛేంజర్’ జనవరి 10న విడుదలైంది. గత వారం సంక్రాంతి సందర్భంగా ‘సంక్రాంతికి వస్తున్నాం’ విడుదలైంది. వెంకటేష్, ఐశ్వర్య రాజేష్, మీనాక్షి చౌదరి నటించిన ఈ చిత్రం దిల్ రాజు అత్యధిక వసూళ్లు సాధించిన చిత్రాలలో ఒకటిగా నిలిచింది. కుమార్తె హన్సిత రెడ్డి, శ్రీ వెంకటేశ్వర క్రియేషన్స్ సహ యజమాని నిర్మాత శిరీష్, దర్శకుడు అనిల్ రావిపూడితో సహా దిల్ రాజు కుటుంబ సభ్యుల ఆస్తులపై కూడా ఐటీ సోదాలు జరిగాయి.