చేతన్ కృష్ణ, హెబ్బా పటేల్ హీరోహీరోయిన్లుగా నటిస్తున్న సినిమా ‘ధూంధాం’. సాయికుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు. ఈ చిత్రాన్ని లవ్, ఫ్యామిలీ ఎంటర్‌టైనర్‌గా దర్శకుడు సాయికిషోర్ మచ్చా తెరకెక్కిస్తుండగా, గోపీ మోహన్ స్టోరీ, స్క్రీన్ ప్లే సహకారం అందిస్తున్నారు.

ఫ్రైడే ఫ్రేమ్ వర్క్స్ బ్యానర్‌పై ఎంఎస్ రామ్‌కుమార్ నిర్మిస్తున్న ఈ సినిమా ఈ నెల 8న విడుదల కానుంది. ఈ నేపథ్యంలో మూవీ టీమ్.. స్టార్ డైరెక్టర్ అనిల్ రావిపూడి చేతుల మీదుగా ‘ధూంధాం’ ట్రైలర్‌ను విడుదల చేయించారు.  ఈ చిత్రానికి మాటలు: ప్రవీణ్ వర్మ; పాటలు: రామజోగయ్యశాస్త్రి; సంగీతం: గోపీ సుందర్; పోరాటాలు: రియల్ సతీశ్; సినిమాటోగ్రఫీ: సిద్ధార్థ్ రామస్వామి.