సేవా కార్యదర్శి షేక్ షాకీరా

మణుగూరు,(విజయక్రాంతి): భద్రాద్రి కొత్తగూడెం జిల్లా సింగరేణి(Singareni) కాలరీస్ మణుగూరు ఏరియా ఉత్తమ అధికారి,  పీజీఎం పర్సనల్ ఎస్.రమేష్ ఏరియాలో చేసిన సేవలు ప్రశంసనీయమని సింగరేణి సేవా కార్యదర్శి షేక్ షాకీరా(Singareni Service Secretary Sheikh Shakira) కొనియాడారు. జనవరి 26 గణతంత్ర దినోత్సవ వేడుకల సందర్భంగా ఏరియా ఉత్తమ అధికారిగా ఎంపికై సింగరేణి చైర్మన్ అండ్ మేనేజింగ్ డైరెక్టర్ ఎన్ బలరాం(Singareni Chairman and Managing Director N. Balaram) చేతులమీదుగా ప్రశంసపత్రం అందుకున్న మణుగూరు ఏరియా అధికార ప్రతినిధి డీజీఎం పర్సనల్ సలగల రమేష్ ను గురువారం సాయంత్రం మణుగూరు ఏరియా సింగరేణి వైవ్స్ అసోసియేషన్ (SEWA)సేవా ఆధ్వర్యంలో శాలువా, జ్ఞాపికతో ఘనంగా సత్కరించారు. ఈ సందర్భంగా ఏరియా సేవా కార్యదర్శి షేక్ షాకీరా  మాట్లాడారు. సంస్థ పట్ల, కార్మికుల సంక్షేమం పట్ల అంకితభావంతో పాటు బాధ్యతగల అధికారిగా మణుగూరు ఏరియాలో యాజమాన్యానికి, కార్మిక సంఘాలకు, కార్మికులకు మధ్య వారధిగా పనిచేస్తూ అందరి అభిమానాన్ని చూరగొన్నారన్నారు. పీవీ కాలనీలో సేవా కార్యాలయ నిర్మాణంలో కూడా రమేష్ సహకారం మరువలేనిదన్నారు. సంస్థలో ఉద్యోగరీత్యా మరిన్ని ఉన్నత శిఖరాలు అధిరోహించాలని ఆమె ఆకాంక్షించారు.  కార్యక్రమానికి ఏరియా సింగరేణి సేవా సమితి కోఆర్డినేటింగ్ ఆఫీసర్ సింగు శ్రీనివాస్ సమన్వయకర్తగా వ్యవహరించగా ఏరియా సేవాసభ్యులు సంధ్య, మాధవి, శోభ, కతార్, రమా, రేణుక,ఎం సత్య, హేమ, బి సత్య, కనక లక్ష్మి, మాధవి, రాయుడు సత్యవతి తదితరులు పాల్గొన్నారు.