క్యామ మల్లేశ్

హైదరాబాద్, నవంబర్ 9 (విజయక్రాంతి): రాష్ట్రానికి ముఖ్యమంత్రిని అనే సంగతి మరిచి రేవంత్‌రెడ్డి నోటికొచ్చినట్లు కేసీఆర్‌పై విమర్శలు చేయడం సరికాదని బీఆర్‌ఎస్ నేత క్యామ మల్లేశ్ పేర్కొన్నారు. శనివారం తెలంగాణ భవన్‌లో మీడియాతో మాటాడుతూ.. కేసీఆర్ పదేళ్లలో రాష్ట్రాన్ని ఎంతో అభివృద్ధి చేశారని, రేవంత్‌రెడ్డికి సీఎం హోదా తెలియడం లేదన్నా రు.

రేవంత్ బాపూఘాట్ నుంచి వాడపల్లి వరకు పాదయాత్ర చేయాలని సవాలు విసిరారు. మూసీ పర్యటనలో బీఆర్‌ఎస్ నేతలను, రైతులను నిర్బంధం చేశారని మండిపడ్డారు. నల్గొండ జిల్లా నుండి కృష్ణా నది పారుతున్నా ఫ్లోరైడ్ ఎందుకు ఉందో కోమటిరెడ్డి వెంకట్‌రెడ్డి సమాధానం చెప్పాలని కోరారు.