మంచిర్యాల (విజయక్రాంతి): మంచిర్యాల జోన్ పరిధిలోని గ్రూప్-3 పరీక్ష కేంద్రాలను మంచిర్యాల డీసీపీ ఎక్కడి భాస్కర్ ఆదివారం ఉదయం, మధ్యాహ్నం పరిశీలించారు. మంచిర్యాల పట్టణ కేంద్రంలోని ఆర్ బీ హెచ్ వీ స్కూల్, సీ వీ రామన్ డిగ్రీ కళాశాల, నస్పూర్ లోని ఆక్స్ ఫర్డ్ ఇంగ్లీష్ మీడియం స్కూల్లలో ఏర్పాటు చేసిన గ్రూప్-3 పరీక్షా కేంద్రాలను క్షేత్రస్థాయిలో అధికారులతో కలిసి  పర్యవేక్షించారు. ఎలాంటి అవాంఛనీయ సంఘటనలు జరగకుండా పరీక్ష కేంద్రాల వద్ద పటిష్టమైన బందోబస్తు ఏర్పాట్ల గురించి, పరీక్ష అనంతరం ఎగ్జామ్ షీట్స్ స్ట్రాంగ్ రూమ్ తరలింపు గురించి పోలీస్ అధికారులకు సిబ్బందికి తగు సూచనలు, సలహాలు చేశారు. ప్రతి పరీక్షా కేంద్రం వద్ద పటిష్టమైన బందోబస్తు ఏర్పాటు చేసినట్లు తెలిపారు. పరీక్షా కేంద్రాల వద్ద 144 సెక్షన్ అమల్లో ఉన్నందున 500 మీటర్ల లోపు ఎవరు కూడా గుమికూడ వద్దని సూచించారు.