నిజామాబాద్,(విజయక్రాంతి): విద్యుత్ తీగలు తగిలి డీసీఎం దగ్ధమైన ఘటన నిజామాబాద్ జిల్లా కొత్తపల్లి వద్ద ఆదివారం చోటు చేసుకుంది. కొత్తపల్లి వద్ద దాన్యం కొనుగోలు కేంద్రానికి వెళ్తున్న డీసీఎం వ్యాన్ నెంబర్ టీఎస్ 16 యుబీ 5280 ఐచర్ వ్యాన్ లక్ష్మీ కెనాల్ వద్ద విద్యుత్ తీగలు తగలడంతో డీసీఎం క్యాబిన్ లో మంటలు చెల్లరేగాయి. దీంతో ఐచర్ వ్యాన్ నడిపిస్తున్న డ్రైవర్ కు మంటలు అంటుకోవడంతో గాయాలయ్యాయి. మంటలు డీసీఎం చుట్టూ వ్యాపించడంతో ఐచర్ వాహనం దగ్ధమైంది. స్థానికులు గమనించి మంటలు ఆర్పి ప్రయత్నం చేసిన మంటలు ఆరకపోవడంతో అగ్నిమాపక శాఖ అధికారులకు సమాచారం అందించారు. ఫైరింజన్ వచ్చి మంటలను ఆర్పేసింది. అప్పటికే డీసీఎం ఐచర్ వ్యాన్ పూర్తి తగలబడిపోయింది. గాయపడిన వ్యాన్ డ్రైవర్ తయాబును చికిత్స నిమిత్తం ఆర్మూర్ ప్రభుత్వ ఏరియా ఆసుపత్రికి తరలించారు.