ప్రియదర్శి, నభా నటేష్ జంటగా నటిస్తున్న సినిమా ‘డార్లింగ్’. ఈ ఏడాది ప్రారంభంలో పాన్ ఇండియా స్థాయిలో హిట్ టాక్ సొంతం చేసుకున్న ‘హను చిత్రాన్ని అందించిన ప్రైమ్ షో ఎంటర్‌టైన్‌మెంట్స్ దీన్ని నిర్మిస్తున్నది. అశ్విన్ రామ్ దర్శకత్వంలో తెరకెక్కుతున్న ఈ సినిమాకు నిరంజన్‌రెడ్డి, చైతన్య నిర్మాతలుగా వ్యవహిస్తున్నారు. ఇప్పటికే ఈ చిత్రానికి సంబంధించిన గ్లింప్స్, ఫస్ట్ సింగిల్ విడుదలయ్యాయి. తాజాగా సోమవారం సినిమా విడుదల తేదీని మేకర్స్ ప్రకటించారు. జూలై 19న ప్రపంచ వ్యాప్తంగా థియేటర్లలో రిలీజ్ చేస్తున్నట్టు చిత్రబృందం వెల్లడించింది. బ్రహ్మానందం, విష్ణు, కృష్ణతేజ్, అనన్య నాగళ్ల కీలక పాత్రలు పోషిస్తున్న ఈ సినిమాకు సంగీతం: వివేక్ సాగర్, కెమెరా: నరేశ్ రామదురై, మాటలు: హేమంత్, పాటలు: కాసర్ల శ్యామ్, కొరియోగ్రఫీ: విజయ్ పోలాకి, ఈశ్వర్ పెంటి.