కాకరకాయలో యాంటీ ఫంగల్ గుణాలు పుష్కలంగా ఉంటాయి. దీనివల్ల చుండ్రుకు కారణమయ్యే ఫంగల్ను తొలగించుకోవచ్చు. కాకరకాయ రసం తలలో తేమను తగ్గించి, చుండ్రు పెరగకుండా చేస్తుంది. ఇవి మాడుకు పోషణను ఇచ్చి జుట్టు కుదుళ్లను బలోపేతం చేస్తాయని నిపుణులు చెబుతున్నారు. కాకరకాయతో జట్టు సమస్యలకు ఎలా చెక్ పెట్టాలో తెలుసుకుందాం..
* ముదురు ఆకుపచ్చగా ఉన్న కాకరకాయను తీసుకొని దాన్ని చిన్న చిన్న ముక్కలుగా కొసి, విత్తులను తీసేయాలి. కాకరకాయ ముక్కలను బ్లెండర్ జార్లో వేసి, పాలు కలిపి మిక్సీలో పేస్టులా చేసుకోవాలి. ఈ పేస్ట్ను తలకు పూర్తిగా అప్లు చేసి మృదువుగా మసాజ్ చేసి, 30 నిమిషాల పాటు అలాగే వదిలేయాలి. ఆ తర్వాత చల్లటి నీటితో తల ను శుభ్రంగా చేసుకోవాలి. ఇలా వారానికి రెండు సార్లు చేస్తే కురులు ఒత్తుగా పెరుగుతాయి. చుండ్రు సమస్య దూరం అవుతుంది.
* కొబ్బరి నూనె లేదా ఆలివ్ నూనెలో కాకరకాయ ముక్కలను వేసి కొన్ని రోజుల పాటు నిల్వ ఉంచాలి. ఆ తర్వాత ఆ ముక్కలను పిండి తీసేయాలి. ఆ నూనెను జుట్టుకు పట్టిస్తే.. మంచి ఫలితం కనిపిస్తుంది.
* కాకరకాయలో యాంటీ మైక్రోబయల్, యాంటీ ఆక్సిడెంట్ లక్షణాలు ఎక్కువ. దీనివల్ల జుట్టు రాలడం తగ్గుతుంది. అలాగే తలపై ఉన్న మాడును ఇది హైడ్రేటెడ్గా ఉంచుతుంది.
* కాకరకాయలో ఉండే విటమిన్లు వెంట్రుకలను అందంగా, పొడవుగా పెరిగేలా చేస్తుంది. కారకాయ జ్యూస్ జుట్టుకు సహజమైన కండిషనర్గా పని చేస్తుంది.