డాన్సర్‌గా తనదైన పంథాను కొనసాగిస్తూ గుర్తింపు తెచ్చు కుంది ఊర్వశి రౌతేలా. ఇటు తెలుగులోనూ భారీ సంఖ్యలో అభిమానులను సొంతం చేసుకుందీ అమ్మడు. టాలీవుడ్‌లో ఇప్పటికే ‘ఏజెంట్’, ‘వాల్తేరు వీరయ్య’, ‘బ్రో’, ‘స్కంధ’ వంటి సినిమాల్లో ప్రత్యేక గీతాల్లో మెరిసి ఇక్కడి ప్రేక్షకులను హృదయాలను కొల్లగొట్టింది. ఇప్పుడు బాలయ్యతో స్టెప్పులేస్తూ కనిపించనుందా? అంటే ఔననే అంటున్నారు ఐటం సాంగ్స్ లవర్స్! దీనికి ఊర్వశి తాజాగా సోషల్ మీడియాలో పంచుకున్న ఓ వీడియా బలం చేకూర్చుతోంది.

బాలకృష్ణ హీరోగా నటిస్తున్న చిత్రం ‘డాకు మహారాజ్’. సితార ఎంటర్‌టైన్‌మెంట్స్ బ్యానర్‌పై బాబీ దర్శకత్వంలో సంక్రాంతికి విడుదల కానున్న ఈ సినిమాకు థమన్ మ్యూజిక్ డైరెక్టర్. అయితే ఈ చిత్రంలో ఓ ఐటం సాంగ్ ఉండబోతున్నట్టు తెలుస్తోంది. తాజాగా నటి, డ్యాన్సర్ ఊర్వశి రౌతేలా బాలయ్యతో మాట్లాడుతున్న ఓ వీడియో షేర్ చేసింది. ఈ వీడియోలో షూటింగ్ గ్యాప్‌లో బాలయ్య, ఊర్వశి రౌతేలా కూర్చొని మాట్లాడుకుంటున్నట్టు కనిపిస్తోంది.

‘డాకు మహారాజ్’ సెట్స్ నుంచి అని ఊర్వశి ఈ వీడియోను పోస్ట్ చేసింది. దీంతో ఈ మూవీలో ఈ భామ ఐటం సాంగ్‌తో ఆకట్టుకోనుందంటూ వార్తలు వస్తున్నాయి. మరి ఈ సినిమాలో బాలయ్య రౌతేలా మధ్య ఓ సాంగ్ ఉంటుందా? అది ఏ రేంజ్‌లో ఉండబోతోందో తెలియాలంటే చిత్రబృందం అధికారికంగా వెల్లడించేదాకా ఆగాల్సిందే.