నందమూరి బాలకృష్ణ కథానాయకుడిగా ప్రస్తుతం 109వ చిత్రంలో నటిస్తున్నారు. దర్శకుడు బాబీ కొల్లి ఈ చిత్రానికి దర్శకత్వం వహిస్తున్నారు. సితార ఎంటర్‌టై న్‌మెంట్స్, ఫార్చ్యూన్‌ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య నిర్మిస్తు న్నారు. ‘ఎన్‌బీకే109’ గా ప్రచారంలో ఉన్న ఈ చిత్రంపై ఇప్పటికే భారీ అంచనాలేర్పడ్డాయి.

కాగా, శుక్రవారం హైదరాబాద్‌లో ఈ సినిమా టీజర్ విడుదల కార్యక్రమం జరిగింది. దర్శకుడు బాబీ, నిర్మాత నాగవంశీ, సంగీత దర్శకుడు తమన్ హాజరయ్యారు. ఈ వేదిక పై మూవీ టైటిల్ టీజర్‌ను విడుదల చేశారు.  సినిమా టైటిల్ ‘డాకు మహారాజ్’ అని వెల్లడించారు. కార్యక్రమంలో దర్శకుడు బాబీ మాట్లాడుతూ ‘ఈ టీజర్‌లో డూపులు, డూప్లికేట్లు లేవు.

బాలకృష్ణే అన్నీ నిజం గా చేశారు. ఈ షాట్స్ అన్నీ ఒరిజినల్. చివరగా ఒక్క మాట.. యుద్ధం గట్టిగా ఉండబోతుం ది’ అన్నారు. నిర్మా త నాగవంశీ మాట్లాడుతూ ‘ఈ సినిమా థియేటర్లలో అభిమానులకు అసలుసిసలైన పండుగలా ఉంటుంది’ అని చెప్పారు.  

మరణాన్ని వణికించిన మహారాజుదీ కథ.. 

టీజర్ చూస్తే.. ‘ఈ కథ రాజ్యం లేకుండా యుద్ధం చేసిన ఒక రాజుది, గండ్ర గొడ్డలి పట్టిన యమధర్మ రాజుది, మరణాన్ని వణికించిన మహారాజుది’ అంటూ ‘డాకు మహారాజ్’గా బాలకృష్ణను పరిచయం చేశారు. ఈ సినిమా సంక్రాంతి కానుకగా 2025, జనవరి 12న ప్రపంచవ్యాప్తంగా విడుదల కానుంది. బాలీవుడ్ నటుడు బాబీ డియోల్ ఈ చిత్రంలో కీలక పాత్ర పోషిస్తున్నారు.