త్రిగుణ్ హీరోగా, హెబ్బాపటేల్, ఇషాచావ్లా, వర్షిణి హీరోయిన్లుగా నటిస్తున్న చిత్రం ‘టర్నింగ్ పాయింట్’. రాశి, చమ్మక్‌చంద్ర, రంగస్థలం మహేశ్ తదితరులు ఇతర పాత్రల్లో నటిస్తున్నారు. కుహన్ నాయుడు దర్శకత్వంలో స్వాతి సినిమాస్ పతాకంపై సురేశ్ దత్తి నిర్మిస్తున్నారు. గురువారం ఈ చిత్రం ఫస్ట్‌లుక్ పోస్టర్‌ను హీరో బెల్లంకొండ సాయి శ్రీనివాస్, దర్శకుడు విజయ్ కనకమేడల విడుదల చేశారు.

ఈ సందర్భంగా నిర్మాత మాట్లాడుతూ.. ‘ఓ వైవిధ్యమైన కాన్సెప్ట్‌కు సస్సెన్స్, మాస్ అంశాలను జోడించి ఈ చిత్రాన్ని తెరకెక్కిస్తున్నాం. త్వరలోనే టీజర్‌ను విడుదల చేస్తాం’ అన్నారు. దర్శకుడు కుహన్ నాయుడు మాట్లాడుతూ..

‘క్రైమ్ థ్రిల్లర్‌గా తెరకెక్కుతున్న ఈ సినిమాలో త్రిగుణ్ పవర్‌ఫుల్ పోలీస్ ఆఫీసర్‌గా నటిస్తున్నాడు. ప్రస్తుతం నిర్మాణానంతర పనులు జరుగుతున్నాయి’ అని చెప్పారు. ఈ చిత్రానికి సంగీతం: ఆర్‌ఆర్ ధృవన్; కెమెరా: గరుడవేగ అంజి; ఫైట్స్: రామకృష్ణ, మల్లేశ్, ఎడిటర్: నాగిరెడ్డి.