భద్రాద్రి కొత్తగూడెం,(విజయక్రాంతి): ఆటలతో శారీర దృఢత్వం పెరుగుతుందని, పని విధానాల్లో పడి ఆటలకు, పాటలకు దూరమైన పరిస్థితిల నుండి ప్రతి ఒక్కరూ బయటపడాలని భద్రాద్రి కొత్తగూడెం జిల్లా ప్రధాన న్యాయమూర్తి పాటిల్ వసంత్ అన్నారు. రిపబ్లిక్ డేను పురస్కరించుకొని కొత్తగూడెం బార్ అసోసియేషన్ ఆధ్వర్యంలో ఆదివారం క్రీడలు సాంస్కృతిక కార్యక్రమాలు నిర్వహిస్తున్నారు. రామవరం సాధన గ్రౌండ్ లో క్రికెట్ మ్యాచ్ జరిగింది. ఈ సందర్భంగా న్యాయమూర్తి పాటిల్ వసంత్ మాట్లాడుతూ... శారీరక మానసిక పునరుత్తేజానికి వీలు కలిగిన మానసిక ఉల్లాసం కలుగుతుందని ఆయన తెలిపారు. బార్ అసోసియేషన్ అధ్యక్షుడు లక్కినేని సత్యనారాయణ మాట్లాడుతూ... అందరూ క్రీడల వల్ల నూతన ఉత్తేజాన్ని చేకూర్చుకుంటారని, కోర్టు కుటుంబంలోని సభ్యులందరూ కలిసి ఈ విధంగా క్రీడలు ఆడుకోవడం వలన ఒకరికొకరు స్నేహం పెంపొందించబడుతుందని తెలిపారు.

ఈ కార్యక్రమంలో న్యాయమూర్తులు కే శిరీష, న్యాయవాదులు పలివెల సాంబశివరావు, పోసాని రాధాకృష్ణమూర్తి, అణుబ్రోలు రాంప్రసాదరావు,గాజుల రామమూర్తి,పాతూరి పాండురంగ విటల్,అరకాల రవికుమార్, వాళ్ల రామకృష్ణ, నాగరాజు, పప్పుల ప్రసాద్, దొడ్డ ప్రసాద్,మెండు రాజమల్లు, ఉప్పు అరుణ్, గడిపల్లి మహేశ్వరరావు, ఉప్పు శెట్టి సునీల్, కాసాని రమేష్, రమేష్, ఎం. డి.సాదిక్ పాషా, దొడ్డ సమంత్, సంకుబాపన అనుదీప్, వేముల మధుకర్, రావిలాల రామారావు, దాసరి కార్తీక్, దేవదాస్, ఎస్. రామారావు, జి నాగరాజు, వడ్లకొండ హరి ప్రసాద్, లావుడియా రవి నాయక్,జిల్లా న్యాయశాఖ ఉద్యోగుల సంఘం అధ్యక్షుడు రామిశెట్టి రమేష్, లగడపాటి సురేష్, దీకొండ రవికుమార్ కోర్టు సిబ్బంది పాల్గొనగా, గెలుపొందిన క్రీడాకారులకు గణతంత్ర దినోత్సవం రోజున బహుమతుల ప్రధానం చేయబడుతుందని క్రీడా సాంస్కృతిక కార్యదర్శి దూదిపాల రవికుమార్ తెలిపారు.