మందమర్రి (విజయక్రాంతి): పట్టణంలోని నజీర్ సౌండ్ సిస్టం ఆధ్వర్యంలో మంచిర్యాల అంజనీపుత్ర రియల్ ఎస్టేట్ వారి సహాయ సహకారాలతో నిర్వహించిన పాఠశాల స్థాయి క్రికెట్ టోర్నమెంట్ లో శ్రీ చైతన్య ఉన్నత పాఠశాల విజయాన్ని కైవసం చేసుకుంది. శుక్రవారం సింగరేణి ఉన్నత పాఠశాల మైదానంలో నిర్వహించిన క్రికెట్ టోర్నమెంట్ ముగింపు కార్యక్రమానికి ముఖ్య అతిథిగా ఎస్సై శివనీతి రాజశేఖర్ పాల్గొని క్రికెట్ టోర్నీ విజేతలకు బహుమతులు ప్రధానం చేశారు. ఫైనల్ మ్యాచ్ లో మొదటి బహుమతి మందమర్రి శ్రీ చైతన్య హైస్కూల్ సాధించగా కెప్టెన్ అఖిల్ ట్రోఫీనీ అందుకున్నారు. అలాగే గ్రేస్ లిటిల్ హార్ట్స్ హైస్కూల్ రెండోవ బహుమతి సాధించింది. ఈ కార్యక్రమంలో క్రికెట్ టోర్నీ నిర్వాహకులు సమీర్, గుల్షన్, శ్రీను, ప్రసాద్, చంటి, బాబ్బీ, హనీఫ్, శ్రీకాంత్, శశి, సాయి, కర్ణాకర్ తదితరులు పాల్గొన్నారు.