ఖమ్మం/కూసుమంచి, నవంబర్ 27 ( విజయక్రాంతి): భార్యాభర్తలను గుర్తు తెలియని వ్యక్తులు హత్య చేసిన దారుణ ఘటన ఖమ్మం జిల్లా నేలకొండపల్లిలో చోటుచేసుకున్నది. పోలీసుల కథనం మేరకు.. నేలకొం డపల్లికి చెందిన ఎర్ర వెంకటరమణ(68), కృష్ణకుమారి (62) దంపతులకు ఇద్దరు సంతానం.

కుమారుడు హైదరాబాద్‌లో, కుమార్తె ఏపీలోని కృష్ణా జిల్లా జగ్గయ్యపేటలో ఉంటుండగా.. వీరిద్దరూ నేలకొండపల్లి లో బస్టాండ్ సమీపంలో ఉంటున్నారు. ఈ క్రమంలో దంపతులిద్దరూ బుధవారం ఉద యం హత్యకు గురైనట్టు స్ధానికులు గుర్తించి, పోలీసులకు సమాచారం ఇచ్చారు. మృతదేహాలపైనా, ఇంటి చుట్టూ నిందితులు కారం చల్లినట్టు పోలీసులు గుర్తించారు.

ఘటనా స్ధలంలో కూల్‌డ్రింక్ సీసాలు లభ్యమవడం తో పలు అనుమానాలు వ్యక్తం అవుతున్నా యి.  క్లూస్ టీంను రంగంలోకి దింపిన ఖమ్మం రూరల్ ఏసీపీ తిరుపతిరెడ్డి, సీఐ సంజీవ్ ఘటనా స్థలానికి చేరుకొని వివరా లు సేకరించారు. అయితే మృతుల ఒంటిపై ఉన్న బంగారం, ఇంట్లోని నగదు చోరీ చేయలేదని పోలీసులు గుర్తించారు.

కాగా.. రెండు రోజుల కిందటే ఇద్దరు మహిళలు వీరి ఇంట్లో అద్దెకు దిగినట్లు తెలిసింది. హత్య జరిగినప్పటి నుంచి వారు కనిపించకపోవ డంతో పలు అనుమానాలు వ్యక్తమవుతున్నాయి. మృతుల కుమారుడి ఫిర్యాదు మేర కు పోలీసులు కేసు దర్యాప్తు చేపట్టారు.