హైదరాబాద్: సికింద్రాబాద్ రెజిమెంటల్ బజార్ లో శనివారం విషాదం చోటుచేసుకుంది. నిర్మాణంలో ఉన్న నూతన భవనంపై నుంచి దంపతులు జారి కిందపడ్డారు. తీవ్రంగా గాయపడిన భర్త గిరి అక్కడికక్కడే మృతి చెందగా,  భార్యకు తీవ్రగాయాలయ్యాయి. భవనం రెండో అంతస్తులో నిర్మాణ పనులు చేస్తుండగా ఈ దుర్ఘటన జరిగింది. భార్య లక్ష్మమ్మ పరిస్థితి విషయంగా ఉండటంతో చికిత్స నిమిత్తం గాంధీ ఆస్పత్రికి తరలించారు. స్థానికుల సమాచారంతో ఘటనాస్థలికి చేరుకున్న గోపాలపురం పోలీసులు కేసు నమోదు చేసి మృతదేహాన్ని శవపరీక్ష నిమిత్తం మార్చురీకి తరలించారు.