సబ్జాతో కూల్ కూల్‌గా..

రోజురోజుకి పెరుగుతున్న ఉష్ణోగ్రతల నేపథ్యంలో శరీరానికి చల్లని ద్రవ పదార్థాలను అందించడం చాలా అవసరం. లేదంటే డీహైడ్రేట్ అయి వడదెబ్బకు గురయ్యే అవకాశాలు ఎక్కువ. అయితే సబ్జాతో ఒంట్లో వేడికి చెక్ పెట్టొచ్చు. వాటిలో ఔషధగుణాలెన్నో ఆరోగ్యానికి మేలు చేస్తాయి. 

* సబ్జా వల్ల ఆరోగ్య ప్రయోజనాలే కాదు, సౌందర్య సంరక్షణకు బాగా పనిచేస్తాయి.

* శరీరాన్ని వేసవి తాపానికి గురికాకుండా కాపాడేందుకు పండ్లు, మజ్జిగ, లస్సీ వంటి పదార్థ్థాలతో పాటు కొన్ని గింజలను కూడా భాగం చేసుకోవాలి.

* పండ్ల రసాలు తాగేటప్పుడు వాటిలో నానబెట్టిన సబ్జాలను కలుపుకుని తాగితే ఆరోగ్యంతో పాటు వేసవి తాపానికి చెక్ పడుతుంది.

* గాలి, నీటి కాలుష్యం వల్ల చర్మం నల్లగా మారిపోతుంది. సబ్జా తీసుకోవడం వల్ల ఈ సమస్యను అధిగమించవచ్చు.

* ఇవి రోగనిరోధక శక్తిని పెంచుతాయి. ప్రొటీన్లు, కార్బొహైడ్రేట్స్, కొవ్వు పదార్థాలు పుష్కలంగా లభిస్తాయి.

* మలబద్ధకాన్ని తగ్గించడంలో, పేగుల కదలికను ప్రోత్సాహించడంలో, మూత్రపిండాల పనితీరు పెంచడంలో, రక్తంలోని చక్కెర శాతాన్ని తగ్గించడం, నెమ్మదిగా బరువు తగ్గడానికి సహాయపడుతాయి.

* జుట్టు ఊడిపోకుండా ఒత్తుగా పెరగడానికి కూడా ఇది తోడ్పడుతాయి.