సిద్దిపేట, జనవరి 30 (విజయక్రాంతి) : కాంగ్రెస్ ప్రభుత్వం ఎన్నికల్లో ఇచ్చిన 420 హామీలను, 100 రోజుల్లో అమలు చేస్తామని చెప్పి, 420 రోజులు అయిన అమలు చేయకుండా సబ్బండ వర్గాలను మోసం చేస్తుందని సిద్దిపేట జిల్లాలోని సిద్దిపేట, గజ్వేల్, దుబ్బాక, హుస్నాబాద్, చేర్యాల ప్రాంతంలోని బిఆర్‌ఎస్ నాయకులు విమర్శించారు.

కాంగ్రెస్ ప్రభుత్వానికి హామీలు అమలు చేయడానికి బుద్ధి రావాలని మహాత్మా గాంధీ విగ్రహానికి వినతిపత్రం అందజేసినట్లు తెలిపారు. మాహత్మ గాంధీ వర్ధంతి సందర్భంగా సిద్దిపేట పట్టణంలోని గాంధీ విగ్రహానికి బిఆర్‌ఎస్ పార్టీ పిలుపుతో నాయకులు పూలమాలలు వేసి నివాళులర్పించారు.

ఈ సందర్భంగా వారు మీడియాతో మాట్లాడారు.త్యాగాల పునాదుల మీద ఏర్పడిన తెలంగాణలో కాంగ్రెస్ పార్టీ మోసాల పునాదుల మీద రాజ్యమేలుతుందని అన్నారు.తెలంగాణ ప్రజలకు 420 హామీలు ఇచ్చి 420 రోజులు గడిచిన సందర్భంగా ఈ కార్యక్రమం చేపట్టామన్నారు. ఈ కార్యక్రమంలో టిఆర్‌ఎస్ పార్టీ ఎమ్మెల్యేలు, మాజీ ఎమ్మెల్యేలు, మున్సిపల్ చైర్మన్లూ, పార్టీ నాయకులు పాల్గొన్నారు.