15 November, 2024 | 1:30 PM
తెలంగాణ రాష్ట్రం వడ్డించిన విస్తరాకును తలపిస్తోంది
18-09-2024 04:11:32 PM
హైదరాబాద్,(విజయక్రాంతి): ఐటీ, ఫార్మా అభివృద్ధికి కాంగ్రెస్ ఎంతో కృషి చేసిందని ముఖ్యమంత్రి రేవంత్ రెడ్డి పేర్కొన్నారు. ప్రభుత్వ పాఠశాలలను కూడా ఎంతో అభివృద్ధి చేస్తున్నామని, ఎంఎస్ఎంఈలు అభివృద్ధి చెందడం ద్వారానే రాష్ట్రాలు వృద్ధి చెందుతాయని సీఎం చెప్పారు.
వ్యవసాయ రంగంలో కూడా యువత ఎదిగే విధంగా ప్రోత్సాహిస్తున్నామని వెల్లడించారు. యువతకు వ్యవసాయం, పరిశ్రమల్లో పెట్టుబడి పెట్టేందుకు తగిన చేయూతనిస్తామని ఆయన తెలిపారు. ప్రస్తుతం తెలంగాణ రాష్ట్రం వడ్డించిన విస్తరాకును తలపిస్తోందని ముఖ్యమంత్రి వ్యాఖ్యానించారు. పరిశ్రమలకు అవసరమైన భూమి, నీరు, ఆర్థిక సాయం అందిస్తామని సీఎం రేవంత్ రెడ్డి హామీ ఇచ్చారు.
