అయ్యప్ప ఆలయ ట్రస్ట్ అధ్యక్షులు ఆంజనేయులు గుప్త

వైభవంగా సామూహిక సత్యనారాయణ స్వామి వ్రతాలు 

చేర్యాల (విజయక్రాంతి): చేర్యాల పట్టణంలోని అయ్యప్ప స్వామి వారి ఆలయంలో అయ్యప్ప స్వామి ఆలయ ట్రస్ట్ వారి ఆధ్వర్యంలో పవిత్రమైన కార్తీక మాసం సందర్భంగా శుక్రవారం సామూహిక శ్రీ రమాసహిత సత్యనారాయణ స్వామి వ్రతాలు కని విని ఎరగని రీతిలో 41 మంది పుణ్య దంపతులచే నిర్వహించిన సామూహిక సత్యనారాయణ స్వామి వ్రతం, అష్టలక్ష్మీ పూజాది క్రతువులు అశేష భక్తజనం మధ్య అంగరంగ వైభవంగా నిర్వహించారు. పుణ్య దంపతులు భక్తిశ్రద్ధలతో సాంప్రదాయ దుస్తులతో పూజలో పాల్గొన్నారు. కార్తీక మాసం పురస్కరించుకుని సామూహిక కుంకుమార్చన, కలశ స్థాపన, గణపతి పూజ, శ్రీరమా సహిత సత్యనారాయణ స్వామి వ్రతం, నవ విధాభిషేకం, నవగ్రహ పూజలు, అష్టదిక్పాలక పూజలు, పంచలోకపాలన పూజలు, వేధమంత్రోచ్ఛరణాల మధ్య కన్నుల పండువగా జరిగింది. వేదమూర్తులైన దేశపతి చేతన్య,రాజు శర్మలు సత్యనారాయణ స్వామి వ్రత కథా  ప్రవచనం  కడు రమ్యంగా వ్రత కథలో ఉన్న నీగుడు  రహస్యలను విడమర్చి వివరించారు.

ఈ సందర్భంగా ఆలయ ట్రస్ట్ చైర్మన్ తాటిపల్లి ఆంజనేయులు గుప్త మాట్లాడుతూ.. సామూహిక సత్యనారాయణ స్వామి వ్రతాలు చేయడం ఆ భగవంతుని సంకల్పమని, ఆధ్యాత్మిక కార్యక్రమాలు నిర్వహించడం అభినందనీయమన్నారు. సత్యనారాయణ స్వామి వ్రతం చేసుకుంటే తమ కుటుంబానికి మేలు జరుగుతుందని ఇటువంటి సామూహిక వ్రత కార్యక్రమం చేయడం వల్ల వారి కుటుంబాలతో పాటు ఈ ప్రాంత ప్రజలకు మంచి జరుగుతుందని అలానే ప్రజా శ్రేయస్సుకు లోక కళ్యాణ నిమిత్తం ఇటువంటి పుణ్య వ్రతాలు నిర్వహించడం చేర్యాల ప్రాంత ప్రజల అదృష్టమని అన్నారు. ఈ సంకల్ప వ్రత కార్యక్రమంలో పాల్గొన్న వారందరికీ ధన్యవాదాలు తెలియజేశారు. వ్రతాల అనంతరం విపంచి మ్యూజికల్ అకాడమీ శశిధర్ శర్మ కుటుంబం, బృందం ఆధ్వర్యంలో భజన కార్యక్రమాన్ని ఘనంగా నిర్వహించగా భక్తులను ఆకట్టుకున్నాయి. ఈ కార్యక్రమంలో భక్తులు భారీ ఎత్తున పాల్గొనగా తీర్థ ప్రసాదాలతో పాటుగా అన్నప్రసాదం నిర్వహించగా స్వీకరించారు.