28 November, 2024 | 3:03 AM
కారు డ్యామేజీపై ఫిర్యాదు
28-11-2024 12:58:29 AM
హైదరాబాద్ సిటీబ్యూరో, నవంబర్ 27 (విజయక్రాంతి): అంబర్‌పేట్ లోని డీడీకాలనీలోని కాంగ్రెస్ పార్టీ సీనియర్ నేత, మాజీ ఎంపీ వి.హనుమంతరావు (వీహెచ్) ఇంటి ఎదుట నిలిపిన కారును బుధవారం తెల్లవారుజామున గుర్తుతెలియని వాహనం ఢీకొట్టింది. దీంతో కారు ముందు భాగం నుజ్జయింది.
దీంతో వీహెచ్ అంబర్‌పేట్ పోలీస్‌స్టేషన్‌లో ఫిర్యాదు చేశారు. కావాలనే కారును ఢీకొట్టారా? లేక పొరపాటున ఢీకొట్టారా? అన్న కోణంలో పోలీసులు విచారిస్తున్నారు. ఈ మేరకు ఆ ప్రాంతంలో సీసీ ఫుటేజీలను పరిశీలిస్తున్నారు.
