కలెక్టరేట్ లో జెండా ఊపి ప్రారంభించిన అదనపు కలెక్టర్ మోహన్ రావు

మహబూబ్ నగర్ (విజయక్రాంతి): ప్రభుత్వం చేపట్టిన సంక్షేమ పథకాలను ప్రజలకు వివరించేందుకు గాను ప్రభుత్వం నేటి నుంచి ప్రజా విజయోత్సవ కళయాత్ర కార్యక్రమానికి శ్రీకారం చుట్టింది. ప్రజాపాలన ప్రజా విజయోత్సవాలలో భాగంగా మంగళవారం మహబూబ్ నగర్ సమీకృత జిల్లా కార్యాలయాల సముదాయం ఆవరణలో "ప్రజా పాలన కళాయాత్ర" ను రెవెన్యూ అదనపు కలెక్టర్ మోహన్ రావు జెండా ఊపి ప్రారంభించారు. తెలంగాణ సాంస్కృతిక కళాకారులు నవంబర్ 19 నుండి డిసెంబర్ 7 వరకు ప్రతి రోజూ 3 గ్రామాల్లో ప్రభుత్వ సంక్షేమ పథకాలపై ప్రచారం చేయనున్నారని పేర్కొన్నారు. సంక్షేమ పథకాలను ప్రజలు పూర్తిస్థాయిలో సద్వినియోగం చేసుకోవాలని తెలియజేశారు. సంక్షేమ పథకాల విషయంలో ప్రజలకు ఎలాంటి సందేహాలు ఉన్న అధికారులను సంప్రదించి అవసరమైన సమాచారం పొందాలని తెలిపారు. అధికారులు ప్రజలకు ఎల్లప్పుడూ అందుబాటులో ఉంటూ అవసరమైన సూచనలు, సలహాలు, పనులు చేసి పెడతారని తెలియజేశారు. ఈ కార్యక్రమంలో డి.పి.అర్. ఓ శ్రీనివాస్, కలెక్టరేట్ పరిపాలన అధికారి శంకర్, తెలంగాణ సమగ్ర శిక్షా సి.ఎం. ఓ బాలు యాదవ్ తదితరులు పాల్గొన్నారు.