నారాయణపేట, జనవరి9 (విజయ క్రాంతి): నారాయణపేట మండలంలోని అప్పిరెడ్డిపల్లి శివారులో గల సర్వే నంబర్  17 లోని ప్రభుత్వ భూమిని గురువారం జిల్లా కలెక్టర్ సిక్తా పట్నాయక్ పరిశీలించా రు. ఆ సర్వే నెంబర్‌లో మొత్తం ఎంత భూమి ఉందని ఆర్డిఓ రాంచందర్ నాయక్ ను అడిగారు.

గుట్ట ప్రాంతమైన  17 సర్వే నంబర్‌లో మొత్తం 57.28 ఎకరాల ప్రభుత్వ స్థలం ఉందని ఆర్డీవో తెలపగా, వాటిలో సోలార్ పవర్ ప్లాంట్ కు  10 ఎకరాల భూమిని గుర్తించి నివేదిక తయారుచేయా లని  కలెక్టర్ ఆర్డీవోను ఆదేశించారు. రాష్ర్ట ప్రభుత్వం మహిళా స్వయం  సహాయక సంఘాల  ద్వారా సోలార్ పవర్ ప్లాంట్ లను ఏర్పాటు చేసేందుకు అన్ని జిల్లాలలో అనువైన ప్రభుత్వ స్థలాలను గుర్తించాలని ఈ నెల 8 న రాష్ర్ట ఉపముఖ్యమంత్రి మల్లు భట్టి విక్రమార్క వీడియో కాన్ఫరెన్స్ ద్వారా జిల్లా కలెక్టర్లను  ఆదేశించిన విషయం విధిత మే.

అందులో భాగంగానే గురువారం జిల్లా కలెక్టర్ మండలంలోని అప్పిరెడ్డిపల్లి శివారు లో గల 17 సర్వేనెంబర్ లోని ప్రభుత్వ స్థలా న్ని పరిశీలించారు. జిల్లా మొత్తంగా అన్ని మండలాల్లో  దాదాపు 196 ఎకరాల ప్రభు త్వ స్థలాలలో మహిళ స్వయం సహాయక సంఘాల ద్వారా సోలార్ పవర్ ప్లాంట్ లను  ఏర్పాటు చేయాలనే ప్రభుత్వాన్ని నిబంధనల మేరకు కలెక్టర్ గురువారం అప్పిరెడ్డిపల్లి శివారులోని ప్రభుత్వ స్థలాన్ని పరిశీలించారు. 

అనంతరం ఆర్డిఓ రామచం దర్ నాయక్ ఆధ్వర్యంలో రెవెన్యూ అధికారు లు మండలంలోని బైరంకొండ, అమ్మిరెడ్డి పల్లిలో గల ప్రభుత్వ స్థలాలను పరిశీలిం చారు. ఈ కార్యక్రమంలో డిటి రామకృష్ణ, సర్వేయర్, ఆర్ ఐ తదితరులు పాల్గొన్నారు.