హైదరాబాద్: మాజీ ప్రధాని డాక్టర్ మన్మోహన్ సింగ్ గురువారం రాత్రి ఆల్ ఇండియా ఇనిస్టిట్యూట్ ఆఫ్ మెడికల్ సైన్సెస్ (ఎయిమ్స్)లో కన్నుమూశారు. ఆయన వయసు 92. మన్మోహన్‌ సింగ్‌ అంత్యక్రియల్లో తెలుగు రాష్ట్రాల సీఎంలు నారా చంద్రబాబు, రేవంత్‌ రెడ్డి పాల్గొనున్నారు. మన్మోహన్‌ సింగ్‌ నివాసానికి చేరుకున్న ప్రధాని మోడీ, అమిత్ షా, జేపీ నడ్డా ఆయన భౌతికకాయానికి నివాళులు అర్పించారు. భారత 13వ ప్రధానమంత్రి పదవిని నిర్వహించిన మొదటి సిక్కు. మే 2004 నుండి మే 2014 వరకు కేంద్రంలో కాంగ్రెస్ నేతృత్వంలోని యునైటెడ్ ప్రోగ్రెసివ్ అలయన్స్ (UPA) ప్రభుత్వానికి నాయకత్వం వహించారు. 2014 లోక్‌సభ ఎన్నికలలో బిజెపి చేతిలో కాంగ్రెస్ ఓటమి తర్వాత ప్రజా జీవితం నుండి విరమించుకున్న డాక్టర్ మన్మోహన్ సింగ్, 2023 ఆగస్టులో తాను సభ్యుడిగా ఉన్న రాజ్యసభలో చివరిసారిగా బహిరంగంగా కనిపించారు.