మునిపల్లి, ఏప్రిల్ 9 :మునిపల్లి మండలంలోని ఆయా గ్రామాలకు  చెందిన  36 మందికి సీఎంఆర్‌ఎఫ్ చెక్కులను రాష్ట్ర వైద్య, ఆరోగ్య శాఖ మంత్రి  దామోదర రాజనర్సింహ్మ ఆదేశాల మేరకు మండల కేంద్రమైన మునిపల్లి ఎంపీడీఓ కార్యాలయంలో రాయికోడ్ మార్కెట్ కమిటీ చైర్మన్  సుధాకర్ రెడ్డి, కాంగ్రెస్ పార్టీ మండల అధ్యక్షుడు సతీష్, ఎంపీడీఓ డాక్టర్ హరినందన్ రావులు బుధవారం అందజేశారు.

ఈసందర్భంగా వారు మాట్లాడుతూ ఆపదలో ఉన్న వారికి అండగా నిలిచేందుకు సీఎం సహాయనిధి సహాయ పడుతుందని, అర్హులైన ప్రతి ఒక్కరు సద్వినియోగం చేసుకోవాలన్నారు. ఈ కార్యక్రమంలో మాజీ ఎంపీపీ రాంరెడ్డి, మాజీ ఎంపీటీసీ బుర్కల పాండు, మాజీ సర్పంచ్ విఠల్ రెడ్డి, కాంగ్రెస్ సీనియర్ నాయకుడు తాటిపల్లి సురేష్,  ఆయా గ్రామాల కాంగ్రెస్ నాయకులు, లబ్దిదారులు పాల్గొన్నారు.