హైదరాబాద్: తెలంగాణ ముఖ్యమంత్రి రేవంత్ రెడ్డి శుక్రవారం యాదాద్రి భువనగిరి జిల్లాలో పర్యటించనున్నారు. రేపు కుటుంబసమేతంగా సీఎం రేవంత్ యాదగిరిగుట్టకు వెళ్లనున్నారు. ఉదయం యాదాద్రి ఆలయంలో సీఎం ప్రత్యేక పూజలు చేయనున్నారు. ఉదయం 10 గంటలకు వైటీడీఏ అధికారులతో రేవంత్ రెడ్డి సమీక్ష నిర్వహించనున్నారు. మధ్యాహ్నం వలిగొండ మండలం సంగెం భీమలింగంకత్వా వద్దకు సీఎం వెళ్లనున్నారు. మూసీ పరివాహక ప్రాంత రైతులతో కలిసి సీఎం రేవంత్ రెడ్డి పాదయాత్ర చేపట్టనున్నారు. పాదయాత్ర ద్వారా భీమలింగం, ధర్మారెడ్డి కాల్వలను పరిశీలించారు. పాదయాత్ర అనంతరం మూసీ పరివాహక ప్రాంతం రైతులతో సమావేశం కానున్నారు.