హైదరాబాద్,(విజయక్రాంతి): ముఖ్యమంత్రి రేవంత్ రెడ్డి నవంబర్ 8వ తేదీన యాదాద్రి భువనగిరి జిల్లా పర్యటించనున్నారు. ఈ సందర్భంగా సీఎం సభా స్థలం ఏర్పాట్లను భువనగిరి పార్లమెంట్ సభ్యులు చామల కిరణ్ కుమార్ రెడ్డి, భువనగిరి ఎమ్మెల్యే కుంభం అనిల్ కుమార్ రెడ్డి, నకిరేకల్ ఎమ్మెల్యే శ్రీ వేముల వీరేశం, మిర్యాలగూడ ఎమ్మెల్యే బత్తుల లక్ష్మ రెడ్డి, యాదాద్రి జిల్లా కలెక్టర్ హనమంత రావు, డీసీపీ రాజేష్ చంద్రలతో కలిసి పరిశీలించారు.

ఈ నెల 8న రాష్ట్ర ముఖ్యమంత్రివర్యులు రేవంత్ రెడ్డి తన జన్మదినాన్ని పురస్కరించుకొని యాదాద్రి లక్ష్మీనరసింహస్వామి వారిని దర్శించుకొని అక్కడ ప్రత్యేక పూజు చేయనున్నారు. అనంతరం భువనగిరి అసెంబ్లీ నియోజకవర్గం పరిధిలోని వలిగొండ మండలం సంగెం గ్రామంలో మూసి వంతెన వద్ద మూసి పునర్జీవంపై రైతులతో మాట్లాడి సమావేశం కానున్నారు. ఈ కార్యక్రమంలో జిల్లా ముఖ్య నాయకులు, అధికారులు తదితరులు పాల్గొన్నారు.