హైదరాబాద్ : తెలంగాణ సచివాలయంలో ముఖ్యమంత్రి రేవంత్ రెడ్డి స్కిల్ యూనివర్సిటీపై సమావేశం అయ్యారు. ఈ సమావేశంలో ఉపముఖ్యమంత్రి భట్టి విక్రమార్క, ఉన్నతాధికారులు పాల్గొన్నారు. స్కిల్ యూనివర్సిటీ ఏర్పాటు, ముసాయాదాపై సమావేశంలో చర్చిస్తున్నట్లు సమాచారం. ఢిల్లీ, హర్యానా తరహాలో రాష్ట్రంలో స్కిల్ వర్సిటీ ఏర్పాటుకు ముసాయిదా సిద్ధం చేయాని సీఎం అధికారులను ఆదేశించారు. వర్సిటీలో సర్టిఫికేషన్ కోర్సులు, డిప్లొమా కోర్సుల వివరాలను అధికారులు రేవంత్ రెడ్డికి తెలిపారు. దీంతో సీఎం రేవంత్ రెడ్డి పూర్తిస్థాయి ముసాయిదా సిద్ధం చేయాలని అధికారులను ఆదేశించారు. అసెంబ్లీ సమావేశాల్లో తెలంగాణ స్కిల్ వర్సిటీ బిల్లు పెట్టే యోచనలో ప్రభుత్వం ఉన్నట్లు సమాచారం.