హైదరాబాద్: తెలంగాణ ముఖ్యమంత్రి రేవంత్ రెడ్డి యాదగిరిగుట్టకు చేరుకున్నారు. బేగంపేట నుంచి ప్రత్యేక హెలికాప్టర్ లో యాదాద్రికి పయనం అయ్యారు. కుటుంబసమేతంగా శ్రీ యాదాద్రి లక్ష్మీ నరసింహ స్వామిని సీఎం దర్శించుకోనున్నారు. మంత్రులు కోమటిరెడ్డి వెంకట్ రెడ్డి, తుమ్మల నాగేశ్వరరావు, ఎంపీ కిరణ్, ఎమ్మెల్యేలు బీర్ల ఐలయ్య, అనిల్ సీఎంకు స్వాగతం పలికారు. తన పుట్టినరోజు సందర్భంగా రేవంత్ రెడ్డి ప్రత్యేక పూజలు చేయనున్నారు. అనంతరం ఆలయ అభివృద్ధిపై వైటీడీఏ అధికారులతో సమీక్షించనున్నారు. మూసీ పునరుజ్జీవన సంకల్ప పాదయాత్ర చేయనున్నారు.