హైదరాబాద్: తెలంగాణ ముఖ్యమంత్రి రేవంత్ రెడ్డి(Chief Minister Revanth Reddy) ఢిల్లీలో పర్యటిస్తున్నారు. ఈ పర్యటణలో భాగంగా గురువారం నాడు ఢిల్లీలో విదేశీవ్యవహారాల శాఖ మంత్రిఎస్. జైశంకర్‌(External Affairs Minister Jaishankar)తో రేవంత్ రెడ్డి భేటీ కానున్నారు. విదేశీ వ్యవహారాల శాఖతో ముడిపడిన రాష్ట్ర అంశాలపై చర్చించనున్నారు. రేవంత్ రెడ్డి గల్ఫ్ కార్మికుల సమస్యలను కేంద్రమంత్రి దృష్టికి తీసుకెళ్లనున్నారు. ఇంటర్నేషనల్ ఈ-కామర్స్ అండ్ పొలిటికల్ భారత్ సమిట్ అంశంపై కూడా చర్చించనున్నారు. అధికారిక వర్గాల సమాచారం ప్రకారం, వివిధ గల్ఫ్ దేశాలలో సంవత్సరాలుగా జైళ్లలో మగ్గుతున్న తెలంగాణకు చెందిన అనేక మంది ప్రజల దుస్థితిని చర్చించి, వారిని తిరిగి తీసుకురావాలని కేంద్రాన్ని అభ్యర్థించాలని ముఖ్యమంత్రి కోరుకుంటున్నారు.

అదనంగా, మృతదేహాలను తిరిగి తీసుకురావడంలో జాప్యం వారి కుటుంబాలకు తీవ్ర బాధను కలిగిస్తున్నందున, మరణించిన వలసదారుల మృతదేహాలను స్వదేశానికి రప్పించడానికి వేగవంతమైన ప్రక్రియలను ఆయన అభ్యర్థించనున్నారు. వివిధ దేశాలలో తెలంగాణ ప్రవాసులు ఎదుర్కొంటున్న విస్తృత సమస్యలను కూడా ముఖ్యమంత్రి ప్రస్తావించనున్నారు. రేవంత్ రెడ్డి తన ఢిల్లీ పర్యటన సందర్భంగా కేంద్ర రోడ్డు రవాణా, రహదారుల మంత్రి నితిన్ గడ్కరీ(Union Minister Nitin Gadkari)ని కలిసే అవకాశం ఉంది. హైదరాబాద్ ప్రాంతీయ రింగ్ రోడ్‌(Hyderabad Regional Ring Road)తో సహా తెలంగాణలోని వివిధ పెండింగ్ హైవే ప్రాజెక్టులకు ఆయన అనుమతులు కోరనున్నారు.