హైదరాబాద్,(విజయక్రాంతి): జపాన్‌లో తెలంగాణ సీఎం రేవంత్ రెడ్డి పర్యటిస్తున్నారు. ఆదివారం జపాన్ లోని  కిటాక్యూషూ మేయర్‌ ను సీఎం, మంత్రి శ్రీధర్ బాబుతో పాటు తెలంగాణ రైజింగ్ బృందం కలిసి ఎకో టౌన్ ప్రాజెక్టుకు సంబంధించి చర్చించారు. అనంతరం మురసాకి రివర్ మ్యూజియంను సందర్శించేందుకు వచ్చిన సీఎం రేవంత్ రెడ్డికి కిటాక్యూషు నగర మేయర్ టకేయుచి కజిసా, తెలంగాణ రైజింగ్ ప్రతినిధి బృందాన్ని హృదయపూర్వకంగా స్వాగతించారు. కిటాక్యుషు నగరం స్థిరత్వం, రీసైక్లింగ్ ఆవిష్కరణ, పర్యావరణ పరిరక్షణలో దాని మార్గదర్శక ప్రయత్నాలకు ప్రపంచవ్యాప్తంగా గుర్తింపు పొందింది. జపాన్‌లో ఒకప్పుడు అత్యంత కలుషిత నగరంగా పేరుగాంచిన కితాక్యూషూ నేడు, ఇది పర్యావరణ పునరుజ్జీవనం, స్థిరమైన పట్టణ అభివృద్ధికి ప్రపంచంలోని ప్రముఖ నమూనాలలో ఒకటిగా నిలుస్తుంది. కితాక్యూషూ పర్యావరణ ప్రణాళికల గురించి సీఎం రేవంత్ రెడ్డి బృందం ఆరా తీసింది.