హైదరాబాద్: సినిమా రంగంలో రాణిస్తున్న వారికి పాత నంది అవార్డుల స్థానంలో ప్రభుత్వం గద్దర్ అవార్డులను ప్రదానం చేస్తుందని ఈ ఏడాది ప్రారంభంలో తెలంగాణ ముఖ్యమంత్రి రేవంత్ రెడ్డి ప్రకటించారు. ఈ నేపథ్యంలో గురువారం మధ్యాహ్నం 3 గంటలకు గద్దర్ అవార్డుల కమిటీతో ముఖ్యమంత్రి రేవంత్ రెడ్డి సమావేశం కానున్నారు. గద్దర్ అవార్డులకు ఎంపిక విధివిధానాలపై సీఎం రేవంత్ రెడ్డి చర్చించనున్నారు. మధ్యాహ్నం 3.30 గంటలకు ప్రభుత్వ ఉద్యోగుల జేఏసీ ప్రతినిధులతో సీఎం భేటీ కానున్నారు. సాయంత్రం 4 గంటలకు వివిధ విభాగాల ముఖ్య కార్యదర్శులతో సీఎం సమావేశం కానున్నారు.