హైదరాబాద్: నెక్లెస్ రోడ్ ఐమాక్స్ వద్ద సంఘ సంస్కర్త మహాత్మా జ్యోతిరావు ఫూలే(Mahatma Jyotirao Phule) విగ్రహ ప్రతిష్టాపన స్థలాన్ని ముఖ్యమంత్రి రేవంత్ రెడ్డి(Chief Minister Revanth Reddy) శుక్రవారం పరిశీలించారు. ముఖ్యమంత్రితో పాటు ఉప ముఖ్యమంత్రి మల్లు భట్టి విక్రమార్క, టిపిసిసి అధ్యక్షుడు బి మహేష్ కుమార్ గౌడ్, ఎంపి ఎం అనిల్ కుమార్ యాదవ్, ఎమ్మెల్యేలు, జిహెచ్ఎంసి మేయర్ గద్వాల్ విజయలక్ష్మి(GHMC Mayor Gadwal Vijayalakshmi), మాజీ ఎంపి ఎం అంజన్ కుమార్ యాదవ్, బిసి యూనియన్ నాయకులు జాజుల శ్రీనివాస్ గౌడ్ తదితరులు పాల్గొన్నారు. ఆ స్థలంలో సర్వే నిర్వహించి పూర్తి ప్రణాళికతో నివేదిక సమర్పించాలని రేవంత్ రెడ్డి అధికారులను ఆదేశించారు. ట్రాఫిక్, ఇతర సమస్యలు తలెత్తకుండా అవసరమైన జాగ్రత్తలతో ప్రణాళికలను సిద్ధం చేయాలని అధికారులను కోరారు. అంతకుముందు, భారతదేశ ప్రముఖ సామాజిక సంస్కర్త, మహాత్మా జ్యోతిబా పూలే  జయంతి సందర్భంగా అంబర్‌పేటలోని ఆ మహనీయుడి మహాత్మా జ్యోతిబా ఫూలే విగ్రహానికి రేవంత్ రెడ్డి పూలమాల వేసి నివాళులర్పించారు.