హైదరాబాద్: పారా ఒలంపిక్స్(Para Olympics) లో భారత్ తరపున కాంస్య పతకం సాధించిన తెలంగాణ యువ అథ్లెట్, వరంగల్ జిల్లా ముద్దుబిడ్డ జీవాంజి దీప్తి(Jeevanji Deepti) అర్జున అవార్డుకు ఎంపికయ్యారు. ఈ తరుణంలో తెలంగాణ ముఖ్యమంత్రి రేవంత్ రెడ్డి(CM Revanth Reddy) అభినందనలు తెలిపారు. అలాగే తెలంగాణ క్రీడాకారులు విశ్వవేదికలపై మరింతగా రాణించాలని, అందుకు యంగ్ ఇండియా యూనివర్సిటీ దోహదపడుతుందని సీఎం పేర్కొన్నారు. 

కేంద్ర ప్రభుత్వం(Central Government) ఖేలేరత్న(Khel Ratna), అర్జున్(Arjuna), ద్రోణాచార్య(Dronacharya) అవార్డులను ప్రకటించిన విషయం తెలిసిందే. నలుగురికి భారత అత్యున్నత క్రీడా పురస్కారం మేజర్ ధ్యాన్ చంద్ ఖేల్ రత్న అవార్డు(Major Dhyan Chand Khel Ratna Award)ను కేంద్రం ప్రధానం చేయనుంది. ఈ ఏడాది 32 మంది క్రీడాకారులకు అర్జున, ఐదుగురికి ద్రోణాచార్య అవార్డులను ప్రకటించారు. ప్రపంచ చెస్ ఛాంపియన్ దొమ్మరాజు గుకేష్(Dommaraju Gukesh), షూటింగ్ లో ఒలింపిక్స్ పతక విజేత మను భాకర్(Manu Bhaker), పురుషుల హాకీ జట్టు కెప్టెన్ హర్మన్ ప్రీత్ సింగ్(Harmanpreet Singh), పారాలింపిక్స్ స్వర్ణ పతకం విజేత ప్రవీణ్ కుమార్(Praveen Kumar)లకు రాష్ట్రపతి ద్రౌపది ముర్ము(President Draupadi Murmu) 2025 జనవరి 17వ తేదీన ఖేల్ రత్న అవార్డులను ప్రదానం చేయనున్నారు. ఈనెల 17న రాష్ట్రపతి భవన్ లో అవార్డుల ప్రధాన కార్యక్రమం నిర్వహించనున్నారు.