హైదరాబాద్(విజయక్రాంతి): ఎంసిహెచ్‌ఆర్‌సిలో కాంగ్రెస్ శాసనసభా పార్టీ (Congress Legislature Party) సమావేశం ముగిసింది. ఈ సమావేశంలో ఉప ముఖ్యమంత్రి భట్టి విక్రమార్క, రాష్ట్ర కాంగ్రెస్ ఇంచార్జ్ దీపాదాస్ మున్షీ, టీపీసీసీ చీఫ్ మహేష్ కుమార్ గౌడ్, ఎమ్మెల్యేలు, ఎమ్మెల్సీలు, ఇతర పార్టీ నాయకులు పాల్గొన్నారు. స్థానిక సంస్థల ఎన్నికలు, ఎస్సీ వర్గీకరణ, కుల గణన, బడ్జెట్ కేటాయింపులపై ఈ సమావేశంలో సుదీర్ఘ చర్చలు జరిపారు. అదనంగా, పార్టీ విధానాలను సోంత పార్టీ నేతలే తప్పుపడుతున్నారని, పార్టీ గీత దాటుతున్న నేతలను ఉపక్షించవద్దని సీఎల్పీలో చర్చించారు. ఎమ్మెల్యేలు, మంత్రుల మధ్య అంతరం పెరుగుతున్న నేపథ్యంలో 10 మంది ఎమ్మెల్యేలు రహస్య సమావేశం నిర్వహించారనే నివేదికలు సీఎల్పీ సమావేశం ప్రాముఖ్యతను సంతరించుకుంది.

పార్టీ నిర్ణయాలను వ్యతిరేకిస్తే కఠినంగా వ్యవహరించాలని నిర్ణయం తీసుకున్నట్లు సమాచారం. కాంగ్రెస్ విధానాలపై బేధాభిప్రాయాలుంటే పార్టీలో అంతర్గతంగా చర్చించాలని ఆదేశించారు. సీఎల్పీ సమావేశం తర్వాత శాసనసభ్యుల ఫిర్యాదులను పరిష్కరించడానికి, పార్టీ ఐక్యతను బలోపేతం చేయడానికి తీసుకున్న చర్యలను హైకమాండ్‌కు వివరించడానికి ముఖ్యమంత్రి, టీపీసీసీ అధ్యక్షుడు మరియు ఎఐసీసీ ఇన్‌చార్జ్ న్యూఢిల్లీకి బయలుదేరుతారు.కుల గణన మరియు షెడ్యూల్డ్ కులాల ఉప వర్గీకరణతో సహా కాంగ్రెస్ ప్రభుత్వ విజయాలను ఎలా ప్రచారం చేయాలో కూడా సీఎల్పీ సమావేశంలో చర్చిస్తామని పార్టీ నాయకులు తెలిపారు.