క్రిస్మస్ వేడుకల్లో పాల్గొని ప్రత్యేక ప్రార్థనలు

క్రిస్మస్ సోదరులతో కీట కిట లాడిన చర్చిలు

క్రిస్మస్ వేడుకలు ఘనంగా నిర్వహించిన క్రిస్టియన్ సోదరులు

కామారెడ్డి,(విజయక్రాంతి): కామారెడ్డి జిల్లాలో క్రిస్మస్ వేడుకలతో చర్చలన్నీ కిటకిటలాడాయి. క్రిస్మస్ వేడుకలకు చర్చిలన్నీ  విద్యుత్ దీపాల అలంకరణతో కనువిందు చేశాయి. బుధవారం జిల్లా వ్యాప్తంగా ఉన్న చర్చిలలో క్రిస్టియన్ సోదరులు ప్రత్యేక ప్రార్థనలు నిర్వహించారు. ఎంతో ఆడంబరంగా వేడుకలను జరుపుకున్నారు. ఘనంగా క్రిస్మస్ వేడుకలను నిర్వహించుకున్నారు. కామారెడ్డి పట్టణంలోని సియస్ ఐ చర్చ్, రామారెడ్డి రోడ్ లోని ఫిలాదేల్పియాచర్చ్, కల్వరి మందిరం, హోసన్నా మందిరం, హోసన్నా సన్నిధి చర్చ్ లలో  ఉదయం నుండి మధ్యాహ్నం మూడు గంటల వరకు ఆయా చర్చలలో మహిళలు పురుషులతో పాటు పిల్లలు ప్రత్యేక ప్రార్థనలు నిర్వహించారు. ఈ సందర్భంగా చర్చి పాస్టర్లు ఫాదర్స్ పాటలతో సందేశాలతో చర్చిలన్నీ క్రిక్కిరిసి పోయాయి. అన్ని చర్చిలలో భారీ సంఖ్యలో మహిళలు ప్రత్యేక ఆకర్షణగా నిలిచారు. ప్రార్థనల అనంతరం వివిధ చర్చిలలో అన్న ప్రసాదం చేపట్టారు. సిఎస్ఐ చర్చిలో జోసఫ్ కిషోర్, సెక్రటరీ ఎ.అమోస్,ఎ.దయాకర్,ఎ ఆనంద్,ఏసురత్నం, కల్వరీ మందిరంలో సామ్యూల్ పాస్టర్, పాస్టర్ సైమన్.టీ,డానియల్ యిర్మీయా,ఇజ్రాయల్,విజ్రా తదితరులు పాల్గొన్నారు.ఫిలాదేల్పియా చర్చి లో పాస్టర్ కె.జాషువా తోపాటు హోసన్నా మందిరంలో శ్రీనివాస్, పాల్, తో పాటు ఇతర సిబ్బంది తదితరులు పాల్గొన్నారు.