బింబిసార ఫేమ్ వశిష్ట(Bimbisara fame Vashishta) దర్శకత్వంతో మెగాస్టార్ చిరంజీవి(Chiranjeevi) హీరోగా నటిస్తున్న 'విశ్వంభర'(Vishwambhara) చిత్రం నుంచి నిర్మాణ బృందం కీలక అప్ డేట్(Vishwambhara first single update) ఇచ్చింది. ఈ చిత్రం మొదటి సింగిల్ విడుదల తేదీని చిత్రనిర్మాతలు అధికారికంగా గురువారం ప్రకటించారు. ఏప్రిల్ 12న సంగీత బృందం "రామ రామ" అనే మొదటి పాటను ఆవిష్కరించనుంది. ఈ ప్రకటనతో పాటు, పాట విడుదలకు ముందు అంచనాలను మరింత పెంచుతూ, చిరంజీవి హనుమంతుడి వేషధారణలో ఉన్న యువ నటులతో కూడిన కొత్త ప్రమోషనల్ పోస్టర్‌ను మేకర్స్ పంచుకున్నారు. 

విశ్వంభర చిత్రాన్ని యువీ క్రియేషన్స్ బ్యానర్‌పై వంశీ, ప్రమోద్, విక్రమ్ నిర్మిస్తున్నారు. ఈ చిత్రానికి అస్కార్ అవార్డు గ్రహీత సంగీత దర్శకుడు ఎం.ఎం. కీరవాణి సంగీతం అందిస్తున్నారు. ఈ సోషియో-ఫాంటసీ డ్రామాలో త్రిష(Trisha Krishnan) కథానాయికగా నటించింది. ఈ సినిమా టీజర్ గత సంవత్సరం దసరా ఉత్సవాల సందర్భంగా విడుదలై సానుకూల స్పందనను పొందింది. టీజర్ విజయం సాధించిన తర్వాత, ఈ ప్రాజెక్ట్ కోసం అంచనాలు భారీగా పెరిగాయి. త్వరలో సినిమా అధికారిక విడుదల తేదీని ప్రకటిస్తామని నిర్మాణ బృందం పేర్కొంది. చిరంజీవి విశ్వంభర సినిమా నుండి వచ్చిన మ్యూజికల్ అప్‌డేట్ పోస్టర్ సోషల్ మీడియాలో వైరల్ అవుతోంది.