హైదరాబాద్: బాలీవుడ్ నటుడు సైఫ్ అలీ ఖాన్(Saif Ali Khan)పై జరిగిన దాడి గురించి తెలుసుకున్న మెగాస్టార్ చిరంజీవి(Megastar Chiranjeevi) తీవ్ర ఆందోళన వ్యక్తం చేశారు. "సైఫ్ త్వరగా కోలుకోవాలని నేను ప్రార్థిస్తున్నాను" అని చిరంజీవి అన్నారు. బుధవారం రాత్రి ముంబైలోని సైఫ్ ఇంట్లో ఈ సంఘటన జరిగింది. అక్కడ ఒక దుండగుడు దోపిడీకి ప్రయత్నించినట్లు సమాచారం. ఘర్షణ సమయంలో, దుండగుడు సైఫ్ పై కత్తితో దాడి చేయడంతో తీవ్ర గాయాలయ్యాయి. సైఫ్ ను వెంటనే అతని కుటుంబ సభ్యులు చికిత్స కోసం లీలావతి ఆసుపత్రికి తరలించారు. దాడి వార్త సినీ వర్గాలను దిగ్భ్రాంతికి గురిచేసింది.

టాలీవుడ్ స్టార్ జూనియర్ ఎన్టీఆర్(Tollywood Star Junior NTR) స్పందిస్తూ, సైఫ్ అలీ ఖాన్ కు సంబంధించిన సంఘటన గురించి విని తాను షాక్ అయ్యానని అన్నారు. సైఫ్ భార్య, నటి కరీనా కపూర్(Kareena Kapoor) తన బృందం సోషల్ మీడియాలో విడుదల చేసిన ఒక ప్రకటన ద్వారా ఈ విషయాన్ని ప్రస్తావించారు. “బుధవారం రాత్రి, సైఫ్, కరీనా ఇంట్లో దొంగతనానికి ప్రయత్నించారు. ఈ సంఘటనలో, సైఫ్ చేతికి గాయమైంది. ప్రస్తుతం ఆయన ఆసుపత్రిలో చికిత్స పొందుతున్నారని, మిగిలిన కుటుంబం సురక్షితంగా ఉందని అన్నారు. ఈ క్లిష్ట సమయంలో బాధ్యతాయుతంగా వ్యవహరించాలని, పుకార్లు వ్యాప్తి చేయకుండా ఉండాలని మేము మీడియా, అభిమానులను అభ్యర్థిస్తున్నాము. పోలీసులు ఇప్పటికే తమ దర్యాప్తును ప్రారంభించారు, ”అని ప్రకటనలో పేర్కొంది.

బాలీవుడ్‌ నటుడు సైఫ్‌ అలీఖాన్‌ నివాసంపై దాడికి పాల్పడిన నేపథ్యంలో ఆయన ఇంట్లో పనిచేస్తున్న ముగ్గురిని ముంబై పోలీసులు(Mumbai Police) గురువారం అదుపులోకి తీసుకున్నారు. ముగ్గురిని పోలీస్ స్టేషన్‌కు తరలించి విచారణ చేపట్టారు. సైఫ్ అలీఖాన్‌ని ముంబైలోని అతని ఇంట్లోకి చొరబడ్డ ఓ ఆగంతకుడు కత్తితో పొడిచాడు. ఈ సంఘటన తెల్లవారుజామున 4.00 గంటలకు జరిగింది. నటుడు ప్రస్తుతం ముంబైలోని లీలావతి ఆసుపత్రి(Lilavati Hospital Mumbai)లో చికిత్స పొందుతున్నారు. పోలీసులు దర్యాప్తు ప్రారంభించారు. బాంద్రా పోలీస్ స్టేషన్‌లో చొరబాటుదారుడిపై ఎఫ్‌ఐఆర్ నమోదు చేశారు. పోలీసులు తెలిపిన వివరాల ప్రకారం సైఫ్ అలీఖాన్ తన కుటుంబంతో(Saif Ali Khan Family) కలిసి నిద్రిస్తున్న సమయంలో ఓ ఆగంతకుడు దొంగచాటుగా ఇంట్లోకి చొరబడ్డాడు. అతను లోపలికి ప్రవేశించడానికి ప్రయత్నించిన తర్వాత నటుడు, చొరబాటుదారుడి మధ్య గొడవ జరిగింది. ఆ తర్వాత సైఫ్ అలీఖాన్‌పై చొరబాటుదారుడు ఆరుసార్లు దాడి చేసి పారిపోయాడని పోలీసులు తెలిపారు. సైఫ్ అలీ ఖాన్ కుటుంబం స్విట్జర్లాండ్‌(Switzerland)లో నూతన సంవత్సర వేడుకలను జరుపుకుని గత వారం ముంబైకి తిరిగి వచ్చారు.