ఇరుగు పొరుగు దేశాలతో గిల్లి కజ్జాలు పెట్టుకోవడాన్ని  చైనా ఒక బ్రహ్మ విద్యలా  సాధన చేసినట్లు కనిపిస్తోంది.  మరోసారి  కవ్వింపు చర్యలకు పాల్పడుతూ  భారత్ ను వ్యూహాత్మకంగా కట్టడి చేయడానికి చైనా పథకం వేసింది . బ్రహ్మపుత్ర నదిపై  భారీ జలవిద్యుత్ ప్రాజెక్టుక నిర్మించడానికి  షీ జిన్ పింగ్  సర్కారు  సిద్ధమైనట్లు తెలుస్తోంది. ఈ డ్యామ్ విషయంలో ఇన్నేళ్లు స్తబ్దుగా ఉన్న చైనా ప్రభుత్వం వేగంగా అడుగులు  వేస్తున్నట్లు సమాచారం . ఈ మేరకు ఆస్ట్రేలియన్ స్ట్రాటజిక్ పాలసీ ఇన్‌స్టిట్యూట్ ఓ నివేదిక విడుదల చేసింది.  దీని వల్ల భారత్‌కు భవిష్యత్ లో పెను ప్రమాదం తప్పదని  నిపుణులు అంచనా వేస్తున్నారు.