సంగారెడ్డి అర్బన్,(విజయక్రాంతి): జిల్లా బాలల పరిరక్షణ విభాగం , మహిళా శిశు సంక్షేమ శాఖ ఆధ్వర్యంలో మల్కాపూర్ జిల్లా పరిషత్ ఉన్నత పాఠశాలలో ఘనంగా బాలల దినోత్సవం నిర్వహించారు. ఈ కార్యక్రమానికి జిల్లా న్యాయ సేవాదికార సంస్థ కార్యదర్శి, సీనియర్ సివిల్ జడ్జి శ్రీ రమేష్  పాల్గొని బాలలను ఉద్దేశించి మాట్లాడారు. ఈ కార్యక్రమంలో లో బాలల దినోత్సవం పురస్కరించుకొని పిల్లలకు  వ్యాస రచన, చిత్ర లేఖనం, వక్తృత్వ పోటీలు నిర్వహించారు.ఈ పోటీలలో ఉత్తమ ప్రతిభ చూపిన పిల్లలకు జడ్జి  బహుమతులు అందజేశారు.కార్యక్రమంలో స్థానిక అంగన్వాడీ చిన్నారులు వివిధ రకాల రాష్ట్రాల ప్రజల వేషధారణ తో ఆకట్టుకోవడం జరిగింది.

జడ్జి  చిన్నారులను అభినందించి బహుమతులు అందజేశారు. ఈ కార్యక్రమంలో జిల్లా సంక్షేమ అధికారి లలిత కుమారి  పాల్గొని పిల్లను ఉద్దేశించి ప్రసంగించారు ఈ బాలల దినోత్సవం సందర్బంగా ఆపద లో ఉన్న లేదా ఇబ్బందులలో ఉన్న పిల్లలకు మనం సహాయం చేయాలి అన్నారు.. ఏదైనా ఆపదలో ఉన్న పిల్లల సమాచారం మీకు తెలిసిన 1098 చైల్డ్ హెల్ప్ లైన్ లేదా 181 కి సమాచారం ఇవ్వాలని కోరారు. ఈ కార్యక్రమంలో జిల్లా బాలల పరిరక్షణ అధికారి రత్నం, స్థానిక సిడిపిఓ చంద్రకళ, పాఠశాల ప్రధానోపధ్యాయులు యాదగిరి, ఉపాధ్యాయులు మరియు మహిళా శిశు సంక్షేమ శాఖ సిబ్బంది పాల్గొన్నారు.