బెల్లంపల్లి,(విజయక్రాంతి): జవహర్ లాల్ నెహ్రూ జయంతిని పురస్కరించుకొని గురువారం బెల్లంపల్లి పట్టణంలోని కృష్ణవేణి టాలెంట్ స్కూల్లో బాలల దినోత్సవం వేడుకలను ఉపాధ్యాయులు, విద్యార్థులు ఘనంగా జరుపుకున్నారు. ముందుగా నెహ్రూ చిత్రపటానికి పూలమాలవేసి నివాళులు అర్పించారు. ఎంఈఓ జె. పోచయ్య జ్యోతి ప్రజ్వలన చేసి సాంస్కృతిక కార్యక్రమాలను ప్రారంభించారు. ఈ సందర్భంగా ఎంఈఓ పోచయ్య మాట్లాడుతూ... విద్యార్థులు సమాజానికి నూతన ఆవిష్కరణలు అందించేలా ఆలోచించాలన్నారు.

చదువులో గొప్పగా రాణించి ఉత్తమ పౌరులుగా గుర్తింపు పొందాలని ఆకాంక్షించారు. పాఠశాల డైరెక్టర్ రవి ప్రసాద్ మాట్లాడుతూ ప్రతి విద్యార్థి నెహ్రూ జీవితాన్ని ఆదర్శంగా తీసుకొని ముందుకు సాగాలన్నారు. అనంతరం విద్యార్థినీ విద్యార్థులు ప్రదర్శించిన సాంస్కృతిక ప్రదర్శనలు పలువురిని ఆకట్టుకున్నాయి. ఈ కార్యక్రమంలో పాఠశాల ప్రిన్సిపల్ రాజా రమేష్, ఉపాధ్యాయిని ఉపాధ్యాయులు, విద్యార్థులు పాల్గొన్నారు.