* ఆహారం బాగా నమిలి తినడం వల్ల అది మెత్తగా మారి జీర్ణాశయంలోకి వెళుతుంది. అప్పుడు జీర్ణవ్యవస్థపై తక్కువ భారం పడుతుంది. తిన్నది త్వరగా జీర్ణమవుతుంది. 

* ఆహారం బాగా నమలడం వల్ల నాలుకకు రుచి తెలుస్తుంది. ఆ ప్రభావం మెదడు మీద పడి శరీరానికి మేలు చేసే హార్మోన్ల విడుదలకు సాయపడుతుంది. 

* ఆహారం హడావుడిగా తింటే గాలి కూడా లోపలికి వెళ్లి.. భోజనం చేసిన కాసేపటికే మళ్లీ ఆకలి వేస్తుంది. అందుకే బాగా నమిలి తింటే ఈ పరిస్థితి రాదు. 

*  ఆహారం బాగా నమిలి తినడం వల్ల దంతాలు గట్టి పడతాయి. ముఖ కండరాలకు మంచి వ్యాయామం జరిగి అక్కడ కొవ్వు చేరకుండా ఉంటుంది. నమిలి తినడం వల్ల ఆహారంలో ఉండే పోషకాలు త్వరగా శరీరానికి అందుతాయి. 

* ఆహారాన్ని బాగా నమలడం వల్ల నోట్లో లాలాజలం ఎక్కువగా విడుదలవుతుంది. ఈ లాలాజలంలో ఆహారాన్ని జీర్ణం చేసే ఎంజైములు ఉంటాయి. దీంతో ఆహారం తక్కువ సమయంలో పూర్తిగా జీర్ణమవుతుంది.