సిన్సినాటి మాస్టర్స్ టోర్నీ

సిన్సినాటి (అమెరికా): సిన్సినాటి మాస్టర్స్ టెన్నిస్ టోర్నీలో  రష్యాకు చెందిన పావ్లియు చెంకోవా క్వార్టర్ ఫైనల్లో అడుగుపెట్టింది. ప్రిక్వార్టర్స్‌లో చెంకోవా 7-5, 6-1తో ఏడో సీడ్ జెంగ్ (చైనా)పై విజయం సాధించింది. గంటకు పైగా సాగిన మ్యాచ్‌లో చెంకోవా ప్రత్యర్థిపై పూర్తి ఆధిపత్యం ప్రదర్శించింది. మ్యాచ్‌లో చెంకోవా 4 ఏస్‌లు.. 10 గేములు గెలుచుకుంది. ఇక జెంగ్ 3 డబుల్ ఫాల్ట్స్‌తో మూల్యం చెల్లించుకుంది. అమెరికా సంచలనం ఆరో సీడ్ జెస్సికా పెగులా క్వార్టర్ ఫైనల్‌కు దూసుకెళ్లింది. మహిళల సింగిల్స్ ప్రిక్వార్టర్స్‌లో పెగులా 6 6 తన దేశానికే చెందిన టౌన్‌సెండ్‌ను చిత్తు చేసింది. మరో ప్రిక్వార్టర్స్‌లో బడోసా, ఫెర్నాండేజ్‌లు విజయాలు అందుకున్నారు. ఇక పురుషుల సింగిల్స్ ప్రిక్వార్టర్స్‌లో ఐదో సీడ్ హుర్కాజ్ 6-3, 3-6, 6-1తో కొబొల్లీపై విజయం సాధించగా.. జానిక్ సిన్నర్‌కు క్వార్టర్స్‌కు వాకోవర్ లభించింది.