ఛత్రపతి శివాజీ మహరాజ్ కుమారుడు శంభాజీ మహరాజ్ జీవిత చరిత్ర ఆధారంగా తెరకెక్కుతున్న చిత్రం ‘ఛావా’. బాలీవుడ్ హీరో విక్కీ కౌశల్ టైటిల్ రోల్ పోషిస్తుండగా, ఆయన భార్య ఏసుబాయిగా స్టార్ హీరోయిన్ రష్మిక మందన్న నటిస్తోంది. లక్ష్మణ్ ఉటేకర్ దర్శకత్వంలో దినేశ్ విజన్ నిర్మిస్తున్న ఈ సినిమా టీజర్‌ను మేకర్స్ సామాజిక మాధ్యమాల ద్వారా విడుదల చేశారు. ‘ఛత్రపతి శివాజీ మహరాజ్‌ను సింహం అని పిలుస్తారు. ఆ సింహానికి పుట్టిన బిడ్డ ఛావా..’ అనే సంభాషణలతో సాగుతున్న టీజర్ ఆకట్టుకుంటోంది. ఈ సినిమా డిసెంబర్ 6న విడుదల కానుంది.