తిరుమల: తిరుమలలో దాతల సహకారంతో నిర్మించిన అతిథి గృహాల విషయంలో తిరుమల తిరుపతి దేవస్థానం (Tirumala Tirupati Devasthanams) ట్రస్ట్ బోర్డు కీలక నిర్ణయం తీసుకుంది. గతంలో వివిధ వ్యక్తులు, సంస్థల సహకారంతో తిరుమల వ్యాప్తంగా నిర్మించిన 45 అతిథి గృహాలకు ఆయా దాతల పేర్లను పెట్టారు. అయితే, టీటీడీ ట్రస్ట్ బోర్డ్(TTD Trust Board) ఇప్పుడు ఈ అతిథి గృహాలకు వ్యక్తిగత లేదా సంస్థ పేర్లను ఉంచకుండా ఆధ్యాత్మిక, భక్తి పేర్లతో పేరు మార్చాలని నిర్ణయం తీసుకుంది.

ఈ చొరవలో భాగంగా, గతంలో పార్లమెంటు సభ్యుడు వేమిరెడ్డి ప్రభాకర్ రెడ్డి, టీటీడీ బోర్డు సభ్యుడు వేమిరెడ్డి ప్రశాంతి రెడ్డి(TTD board members Vemireddy Prashanthi Reddy)ల సహకారంతో నిర్మించిన "లక్ష్మీ విపిఆర్ గెస్ట్ హౌస్" అనే అతిథి గృహానికి "లక్ష్మీ భవన్"(Lakshmi Bhavan) గా పేరు మార్చారు ఆలయ అధికారులు. ఈ పేరుమార్పు ప్రక్రియకు ఇప్పటికే పలువురు దాతలు అంగీకరించారని తిరుమల దేవస్థానం(Tirumala Devasthanam)పేర్కొంది. పర్యవసానంగా, మిగిలిన అతిథి గృహాలకు ఇప్పటికే ఉన్న వ్యక్తిగత లేదా సంస్థాగత శీర్షికల స్థానంలో ఆధ్యాత్మిక లేదా మతపరమైన పేర్లు కూడా ఇవ్వబడతాయని టీటీడీ ప్రకటించింది.