1. ఇకపై ‘టీఎస్’ స్థానంలో ‘టీజీ’
2. ఉత్తర్వులు జారీ చేసిన హోంశాఖ

హైదరాబాద్ సిటీబ్యూరో, నవంబర్ 16 (విజయక్రాంతి): తెలంగాణ పోలీసుల బ్యాడ్జీల్లో మార్పులు చేస్తూ హోంశాఖ నిర్ణయం తీసుకుంది. ఇటీవల రాష్ట్ర ప్రభుత్వం (టీఎస్)గా ఉన్న కోడ్‌ను (టీజీ)గా మార్చిన విషయం తెలిసిందే. ఇందులో భాగంగా పోలీసు బ్యాడ్జీల్లో కూడా మార్పులు చేయాలని నిర్ణయించారు. ఈ మేరకు ఉత్తర్వులు జారీ చేసినట్టు హోంశాఖ కార్యదర్శి రవి గుప్తా శనివారం ఒక ప్రకటనలో తెలిపారు. ఈ క్రమంలో టీఎస్‌పీ స్థానంలో టీజీపీ, తెలంగాణ స్టేట్ పోలీసు స్థానంలో తెలంగాణ పోలీసు, టీఎస్‌ఎస్‌పీ స్థానంలో టీజీఎస్‌పీ, టీఎస్‌పీఎస్ స్థానంలో టీజీపీఎస్ ఉండేలా బ్యాడ్జీలను రూపొందించారు.