* డిప్యూటీ మేయర్ పదవి హస్తగతం

న్యూఢిల్లీ, జనవరి 30: దేశంలో బీజేపీ హవా కొనసాగుతోంది. గురువారం జరిగిన ఛండీగఢ్ మేయర్ ఎన్నికలో బీజేపీ 19 ఓట్ల తో విజయం సాధించింది. కొత్త మేయర్‌గా బీజేపీ అభ్యర్థి హర్‌ప్రీత్ కౌర్ బబ్లా బాధ్యత లు చేపట్టనున్నారు. డిప్యూటీ మేయర్ ఎన్నికలో భారత కూటమికి చెందిన కాంగ్రెస్ అభ్యర్థి తరుణ మెహతా విజయం సాధించారు.

ప్రిసైడింగ్ పోల్ అధికారి ప్రకారం.. మొత్తం 36 ఓట్లు పోల్ అయ్యాయి, బబ్లాకు 19 ఓట్లు రాగా, కాంగ్రెస్ బలపరిచిన ఆమ్ ఆద్మీ పార్టీ (ఆప్) అభ్యర్థి ప్రేమ్ లతకు 17 ఓట్లు వచ్చాయి. ప్రతిపక్ష కూటమికి చెందిన  కౌన్సిలర్లు బీజేపీకి అనుకూలంగా క్రాస్ ఓటింగ్ చేయడంతో ఫలితం తేలిపోయింది.