మునుగోడులో విగ్రహావిష్కరణలో వక్తలు

మునుగోడు, నవబంర్ 12: తెలంగాణ సాయుధ పోరాటానికి స్ఫూర్తి తెలంగాణ చైతన్య జ్వాల దొడ్డి కొమురయ్య అని పలువురు నాయకులు అన్నారు. మంగళవారం మునుగోడు మండల కేంద్రంలో కురుమ యువ చైతన్య సమితి ఆధ్వర్యంలో ఏర్పాటు చేసిన దొడ్డి కొమురమ్య విగ్రహాన్ని క్యామ మల్లేషం, మాజీ ఎమ్మెల్యే కూసుకుంట్ల ప్రభాకర్‌రెడ్డి, సీపీఐ జిల్లా కార్యదర్శి నెల్లికంటి సత్యం, బీసీ సంక్షేమ సంఘం జాతీయ అధ్యక్షుడు జాజుల శ్రీనువాస్‌గౌడ్ ఆవిష్కరించారు.

అనంతరం వారు మాట్లాడుతూ.. రజాకార్ల దురాగతాలపై వీరోచితంగా పోరాడిన ధైర్యశాలి కొమురయ్య అని కొనియాడారు. కురుమలకు ఉపాధి కల్పించేందుకు ప్రత్యేక కార్పొరేషన్ ఏర్పాటు చేయాలని కోరారు. కార్యక్రమంలో గొర్ల పెంపకదారుల కార్పొరేషన్ మాజీ చైర్మన్ దూదిమెట్ల బాలరాజు, పాల్వయి స్రవంతి, కొనపురి కవిత, కురుమ యువ చైతన్య సమితి రాష్ట్ర అధ్యక్షుడు గుండె వెంకటేశం, కందుల శ్యామ్, మందుల సత్యం, బండారి శంకర్, శ్రీనువాస్, పాండు పాల్గొన్నారు.