ఉత్తర్వులు జారీ చేసిన సీఎండీ ముషారఫ్ ఫరూఖీ 

హైదరాబాద్ సిటీబ్యూరో, జూన్ 29 (విజయక్రాంతి): దక్షిణ తెలంగా ణ విద్యుత్ పంపిణీ సంస్థ (ఎస్‌పీడీసీఎల్)లో చీఫ్ జనరల్ మేనేజర్ (సీజీఎం) హోదాను చీఫ్ ఇంజినీర్(సీఈ)గా మార్పు చేశారు. ఈ మేరకు సీఎండీ ముషారఫ్ ఫరూఖీ శనివా రం ఉత్తర్వులు జారీ చేశారు. ఇతర ప్రభుత్వ శాఖలకు సంబంధించిన అధికారులు ఎలక్ట్రికల్ డిపార్ట్‌మెంటల్‌లోని సీజీఎం స్థాయి అధికారుల ను హోదాపరంగా తక్కువ స్థాయిలో గుర్తించడంతో టెక్నికల్ ఇబ్బందులు ఎదురవుతున్నట్టు తెలుస్తోంది. అంతేకాకుండా విద్యుత్ శాఖకు చెందిన ట్రాన్స్‌కో, జెన్‌కోలలో సీజీఎం స్థాయి అధికారులను సీఈలుగా పిలుస్తున్న నేపథ్యంలో ఈ గజిబిజీని పరిష్కరించేందుకు సీఎండీ ఈ నిర్ణ యం తీసుకున్నట్టుగా తెలుస్తోంది. దీంతో ఇటీవల జరిగిన బోర్డు సమావేశంలో సీజీఎం హోదాను సీఈగా మార్పు చేయాలని నిర్ణయించినట్టుగా సీఎండీ ముషారఫ్ ఫరూఖీ ఉత్తర్వులో పేర్కొన్నారు.