హైదరాబాద్ సిటీబ్యూరో, అక్టోబర్ 28 (విజయక్రాంతి): డీఎస్సీ 2024 ఎస్‌జీటీ, స్పెషల్ ఎడ్యుకేషన్ 1:3 లిస్టులోని అభ్యర్థుల సర్టిఫికెట్ వెరిఫికేషన్‌ను మంగళవారం నిర్వహిం చబోతున్నట్లు హైదరాబాద్ డీఈవో ఆర్ రోహిణి తెలిపారు. నాంపల్లిలోని ఎల్బీ స్టేడియం ఎదుట గల మోడల్ ఆలియా ప్రభుత్వ ఉన్నత పాఠశాలలో ఉదయం 10 గంటల నుంచి సర్టిఫికెట్ల వెరిఫికేషన్ జరుగుతుందని సోమవారం ఒక ప్రకటనలో పేర్కొ న్నారు.

1:3 అభ్యర్థుల జాబితాను dcebhy derabad. webnode.in వెబ్‌సైట్‌లో పొం దుపర్చినట్లు చెప్పారు. అభ్యర్థులు రెండు పాస్‌ఫొటోలు, అన్ని సర్టిఫికెట్లు ఒరిజినల్, జిరాక్స్(గెజిటెడ్ అటెస్టెడ్) కాపీలతో సర్టిఫికెట్ల వెరిఫికేషన్‌కు హాజరు కావాలని పేర్కొన్నారు.